阿辉笑得好勉强：“哈哈，我入厨房拎野俾你地饮先。”
于是阿辉就走左去厨房，阿怡一见到张sofa，就飞埋去，两隻手摊开哂坐落去。
我就慢慢係间屋度睇，估唔到每间房都有个厕所，仲有张６尺大床，真係把炮。
突然阿辉係远处传黎声音：“喂，野饮到啦。”
我就行番去sofa果边。
我留意到阿辉一路拎饮品，一路望住阿怡隻脚。
由于阿怡条裙咁鬼短，一坐底就算拉番好，都会睇哂成大大截大脾。
难怪佢一路行，一路望到实。
于是行到埋去，佢视线又望番第二度。
之后我係个盘度拎左杯橙汁。
阿辉突然阻止我：“喂…依杯唔係你架。”
我：“下？”
阿辉即係话：“橙汁你条女饮架嘛，你饮可乐啦。”
我望住佢：“你又知阿怡饮橙汁？”
阿辉面都青埋：“唉丫，上次ｂｂｑ我留意到丫嘛，阿怡就饮橙汁，你就….锺意….饮可乐丫嘛。”
我即係扮哂野咁，俾佢下台：“丫…果然好记性喎。”
(其实我由细到大饮可乐都唔超过十次，根本就完全唔锺意饮。)阿辉即係扮哂醒咁：“梗係啦。”
阿怡拎住杯野好甜咁笑：“唔该哂你丫，阿辉，你真係好好人丫。”
阿辉又笑笑口咁：“唔洗客气。”
咁我唯有拎杯可乐照饮啦。
于是阿辉好快急就拎番个盘返厨房。我就陪阿怡坐係sofa度，一路饮，一路倾下计。本站随时可能失效记住:kanqita.com
收藏以备不时之需！！！